TARIX ADABIYOT ALGEBRA ONA TILI FIZIKA KIMYO

O‘zbekistonda 3 balli zilzila qayd etildi

Bek — Sat, 14 Mar 2015 06:42:06 GMT

13-mart kuni soat 18:43 da Toshkent viloyati hududida 3 balli zilzila qayd etildi. Bu haqda “Toshkent” seysmologiya markazi ma’lumotiga asoslanib, “12news.uz” xabar bermoqda. Qayd etilishicha, zilzila markazi Toshkentdan 70 km uzoqlikdagi Olmaliq shahri atrofida bo‘lgan. Talofatlar va qurbonlar bor yoki yo‘qligi haqida ma’lum qilinmagan.

Olimlar Yupiter yo‘ldoshida okean borligini tasdiqladi

Bek — Sat, 14 Mar 2015 06:39:23 GMT

Olimlar Yupiterning yo‘ldoshi Ganimedda sho‘r okean borligini tasdiqladi, deya xabar bermoqda Meduza Kyoln universiteti olimlari hisob-kitoblariga ko‘ra, okean chuqurligi taxminan 100 kilometrni tashkil etadi — bu Yerdagi dunyo okeanining o‘rtacha chuqurligidan ancha ko‘pdir (3711 metr). Okean 150 kilometrli muz qatlami tagida joylashgan. Olimlar okean mavjudligini “Xabbl” teleskopi orqali Ganimeddagi shimol yog‘dusini kuzatib, aniqladi. Olimlar shunday xulosaga keldiki, okean Yupiterning magnit maydoniga “qarshilik ko‘rsatadi”, natijada shimol yog‘dusi ovali kamroq siljiydi.

Rossiya va Janubiy Osetiya prezidentlari ittifoqdoshlik va integratsiya to‘g‘risidagi bitimni imzolaydi

Bek — Sat, 14 Mar 2015 06:36:09 GMT

18-mart kuni Rossiya va Janubiy Osetiya o‘rtasida hamkorlik va integratsiya to‘g‘risidagi bitim ikki mamlakat prezidentlari Vladimir Putin va Leonid Tibilov tomonidan imzolanadi, deya xabar bermoqda “TASS” Kreml matbuot xizmatiga tayanib. “Muzokaralar chog‘ida davlatlar rahbarlari ikki tomonlama aloqalar hamda Kavkazorti mintaqasida barqarorlik va xavfsizlikni ta’minlash sohasida koordinatsiya masalalarini muhokama qiladi”, — deyiladi Kreml xabarida.

21 mart kuni Yulduz Usmonova Toshkentda konsert qo‘yadi

Bek — Fri, 13 Mar 2015 08:46:48 GMT

2015 yilning 21 mart kuni o‘zbek estradasining taniqli namoyandasi Yulduz Usmonova Toshkentdagi April restoranida konsert dasturi uyushtiradi. Bu ma’lumotni restoran ma’muriyatidagi manba xabar bergan. Ma’lum bo‘lishicha, bayramona konsert kechasi chiptalari narxi 100-250 ming so‘m atrofida bo‘ladi. Chipta narxiga mehmonlar uchun yoziladigan bayramona dasturxon bahosi ham kiradi. Yulduz Usmonova ijrosidagi qo‘shiqlardan tashqari, kecha mehmonlari maxsus shou-dasturdan bahramand bo‘lishlari va Navro‘z taomi – sumalakning tayyorlanishida ishtirok etishlari aytilmoqda.

Milonov Qodirovni Sobchakdan ko‘ra “rusroq” deb atadi

Bek — Fri, 13 Mar 2015 08:42:53 GMT

Sankt-Peterburg qonunchilik yig‘ini deputati Vitaliy Milonov Checheniston rahbari Ramzon Qodirovni Kseniya Sobchakdan ko‘ra “rusroq” deb aytdi. Bu haqdagi fikrini Milonov “Govorit Moskva” radiostansiyasi efirida bildirgan. “Menga Rossiya qahramoni Ramzon Ahmadovich Qodirovning ushbu so‘zlari juda yoqadi: “Men chechen millatiga mansub rus odamiman”. Mana, shuning uchun men Ramzon Ahmadovich Qodirovni Kseniya Anatolevna Sobchak yoki fuqaro Albas va Alexinadan ko‘ra ko‘proq o‘zimning yurtdoshim va ulardan ko‘ra ruslarga yaqinroq deb hisoblayman”, deydi Milonov. Eslatib o‘tamiz, biroz avvalroq Rossiya prezidenti Vladimir Putin Checheniston rahbari Ramzon Qodirovni “Hurmat” ordeni bilan taqdirlagan edi.

Evro yozga qadar dollarga nisbatan arzonroq turishi mumkin

Bek — Fri, 13 Mar 2015 07:31:54 GMT

2015 yilning yoziga yevro dollar bilan tenglashib, Yevropa valyutasining qariyb 15 yillik tarixida birinchi marta undan arzonroq turishi mumkin. Bunday fikr “Alpari” kompaniyasi tahlilchilari tomonidan bildirgan. Ayni paytda xalqaro valyuta bozorida yevro va dollar juftligi keskin kuchsizlangani sababli yevro dollarga nisbatan kuchsizroq valyuta bo‘lib ko‘rinmoqda. Mutaxassislarning fikricha, bu dollarning xalqaro valyuta bozorida kuchli mustahkamlangani sababli yuz bergan. Ayni paytda 1 yevro 1,0600 dollardan pastroq narxda sotilmoqda. Ko‘pchilik tahlilchilarning fikricha, yaqin oylar ichida bu ikki asosiy valyutalar narxi tenglashadi, ya’ni 1 yevro 1 dollar turadi. “Alpari” kompaniyasining katta tahlilchisi Anna Bodrovaning aytishicha, bunga Yevropa markaziy banki (EMB)ning aktivlarni sotib olish dasturi 2016 yil sentyabrdan keyin ham uzaytirilishi mumkinligi haqidagi izohlari ham sabab bo‘lmoqda. “EMB rahbari Mario Dragining ta’kidlashicha, rag‘batlantirish dasturining samarasi Yevrohudud iqtisodiyotida ancha sezilmoqda, kreditlash bozoridagi sharoitlar ham yaxshilangan. Bu, to‘g‘risini aytganda, hozircha yaqqol ko‘rinmayapti. Balki Dragi vaziyatga boshqacha ko‘z bilan qarayotgandir? Aktivlarni sotib olish dasturi 9 mart kuni boshlandi, u har oy 60 mlrd dollarni tashkil qiladi”, deb aytdi Bodrova. Bodrovaning ta’kidlashicha, yevroga YeMB va AQSh Federal zaxira tizimi stavkalari orasidagi sotish va sotib olishga eng yaxshi narxlar orasidagi farqning oshishi ham o‘z bosimini o‘tkazmoqda.

Rossiyada millatlar bo‘yicha agentlik tuzilishi mumkin

Bek — Fri, 13 Mar 2015 07:09:20 GMT

Rossiyada Millatlar bo‘yicha Federal agentlik tashkil etish rejalashtirilmoqda. Yangi muassasa millatlararo va konfessiyalararo davlat siyosatini amalga oshirish bilan shug‘ullanadi, deb xabar bermoqda “Izvestiya” gazetasi. Millatlararo aloqalarni muvofiqlashtiruvchi yangi muassasa tuzish tashabbusi bilan Rossiya prezidenti Vladimir Putin chiqqan. U hukumatga joriy yilning 15 apreligacha agentlikni tashkil etish bo‘yicha takliflarni ishlab chiqishni topshirgan. Ilgari mamlakatdagi milliy siyosat va millatlararo aloqalar masalalari Rossiya regional taraqqiyot vazirligi tomonidan yuritilar edi. Vazirlik tugatilganidan so‘ng uning vakolatlari Madaniyat vazirligiga topshirildi. Endilikda bu sohaga ixtisoslashgan yangi muassasa tashkil etish ko‘zda tutilmoqda. Rossiya Federatsiya Davlat Dumasi Millatlar bo‘yicha qo‘mitasi raisi Hojimat Safaraliev “Izvestiya” gazetasiga bergan interyusida yangi organ zimmasiga yuklanadigan asosiy vazifalardan biri 2025 yilgacha mo‘ljalangan milliy siyosat strategiyasini amalga oshirish va bu jarayonni muvofiqlashtirib borish bo‘ladi. Shuningdek, Safaraliev yangi organ tarix darsliklarini yaratish, yosh avlodni milliy vatanparvarlik ruhida tarbiyalash singari masalalarda Millatlar bo‘yicha Duma qo‘mitasi bilan hamkorlik qilishini aytgan.